ایرنا خبر آژانسی نین معلوملتینا گؤره بو باره ده مرتضی نیرومند اسکوئی علاوه ائدیب کی: حال حاضردا استان دا ۱۰ غیردولتی صنایع شهرجیئی وار، اونلاردان ۹نون بهره بردارلیق مجوزی وار و یالنیز بیر شهرجئین تاسیس مجوزی وار.
نیرومند دئدی: حال حاضردا استان دا ۲ غیردولتی شهرجیئی، بیر کارگاهی شهرجئیی و ۷ اختصاصلاندیریلمیش شهرجیک ( دری، الکتریک و الکترونیکا، چانتا و باشماق، کند تصرفاتی، غذا، شیشه و پولاد) فعالیت گوستریر.
شرقی آذربایجان صنایع شهرجیکلری شرکتینین مدیری غیر دؤلتی صنایع شهرجیکلرینین یارادیلماسی و بو سکتوردا بیلیک بازاسی یارادیلماسی اوچون دؤلتین دستک سیاستینه توخوناراق دئدی: شرقی آذربایجان استاندارینین بو مسئله یه وئردیگی وورغویا گؤره، بو استاندا ایشلری آراشدیریلان و فعالیت گوسترن ۲۰ غیردؤلتی صنایع شهرجیئی تیکیله جک و بیلیه اساسلانان پتانسیلا مالیک صنایع بولمه لرینه دقت یئتیرلمه سی ایسه بو سکتوردا مهم تدبیرلردن بیریدیر.
نیرومند اسکوئی علاوه ائتدی: استانداکی غیردؤلتی صنایع شهرلرینین عمومی ساحه سی ۵۶۹ هکتاردیر و اونلاردا مشغول اولان لارین سایسی ۱۲۱۱۰ نفردن عبارت دیر.
