یاز اکو خبر آژانسی نین معلوماتینا گؤره بو بارده صابر پرنیان شرقی آذربایجان استانین صنعت، معدن و تجارت تشکیلاتی نین صدری اعلان ائدیب.
صابر پرنیان اولکه نین شمالغرب بؤلگه سینده شهید سلیمانی صنایع شهرجیینده آسانسورون محرک تولیدی سینین بیلیک اساسلی بؤلمه سی نین آچیلیش مراسیمینده بیلدیریب: مراجعت لرین یوزده دوخسانی زنجیرواری تاماملاما و صنایع توسعه سی اوچوندیر.
او علاوه ائدیب: بیر نئچه ایل اوله قدر آسانسور صنایع نین یوزده اونی داخلی لشدیرلمیشدی، لاکن بو گون آچیلیشین شاهدی اولدوغوموز همین تولیدات بؤلمه سی اؤلکه نین شمال غربینده آسانسور حیسه لرینین اوچده بیرینی تامین ائتمک گوجونه مالیک دیر.
شرقی آذربایجانین صمت تشکیلاتینین مدیری خاطرلادیب: ایکی ایلدن آز مدته زحمتکش انسان قوه سی بو بیلیک بازاسی یاراتدی و بو مقاومت اقتصادیاتینین رئال لاشماسینین بارز گؤستریجیسی دیر.
