سکسنینده آلما عصا
قویما سنی قره باسا
کیم کی یوزایل یاشاماسا
گوناه اونون اوءزونده دیر.
عثمان ساری وللی
یازاکو؛ حسن بابایی عجبشئرلی – عوموردفتریم دن ۵۵تاباغینی واراقلامیشام، نئچه آی دان سونرا ۵۶جی تاباغی یاژماغا جان آتیب سفربر اولمالیام. مندن ۳۰یاش ایل_سای دا ۵۰یاش دان چوخ معنویت دونیاسیندا بیر یازار،عالیم تنقیدچی، شاعیر، مدنی فعال، ان یاخینی دیلداشیمیزین ۳ساعاتلیق دانیشیغینا قوناق اولدوم. چوخ صمیمی، دادلی _دوزلو دانیشیق آپاریب تاماشاچی لاری اوءزو ایله بیر آیاقدا ساخلادیغینی تئلفون زنگ لریندن دویدوم. دالی قالمیش ایشلریمه گوره باغا گئتمیشدیم، نئجه اولدو الیم تئلویزیونون کونتورونا توخوندو، یئریمده دونوب قالدیم، گوی ده آرادییغیمی یئرده یوخ ائفیرده تاپمیشدیم. یازارین نئچه اثرینی ایل لر اوءنجه اوخویوب تبریز قوخوسونو تامسینمیشدیم. او جمله دن،.،رازهای سرزمین من، ،آواز کشتگان، ،تاریخ مذکر، ،قصه نویسی در ایران، ،چاه، نئچه مقاله لرینی دوور مطبوعات دا نظردن کئچیریب ذوق آلمیشدیم.
براهنی جنابلاری بیر شعر کیتابی نین مقدمه سینده وئریلن سئوالی بئله جاوابلاندیریر. نئجه اولدو ادبیات ژانرینی سئچدینیز؟ شاعیر دوشونن بئین له، دویونن اورک له یوردونا قارشی جاواب قایتاریر:او زامانلار بئیلانکی داداغ اته یینده اییلنجه یئری ،بیرده بیر کافه وار ایدی، گونلرین بیرینده یولومو اورادان سالمیش اولدوم، هوندورلوک دن دره یه نظر سالدیقدا بیریسی ال قوشو قولتوغوندان چیخاریب گویه بوراخیردی. نئجه اولدو قوشبازین باشینداکی بورکونو یئل باشیندان گوتوروب گتیریب تاخدی منیم باشیما، بیرده باخدیم نئچه ایل لردیر یازیرام. بورادک ائشیتدیک لریم، اوخودوقلاریم براهنی جنابلاریندان آنا دیلینده اولمامیشدی،
بو دوءنه آناسی نین دانیشدیغی دیلده تاماشاچی لاری فیض یاب ائدیردی، دئمک باغا نه اوچون گلدییمی اونودوب دانیشیغا قولاق یاتیریب، یازیلارینان اوست_اوسته دوشدویوندن سئوینجیم آرتیب ذوق آلیردیم. یازیلاری کیمی دانیشدیقلاریندان دا تبریز قوخوسو حیس اولونوردو. قارداشیندان بیر خاطیره دانیشدی، دئدیک لرینه گوره قارداشی نین عالی درجه لی دیپلوم لاری اولدوغو حالدا، تهران اونیورسیته لرینده پیسیکولوک(روان شناسی) کورسوندا اویرتمن لیک ائدیب، عالیم له دانیشارکن دئیرمیش: گونده ۱۰ساعت آنامین دیلینده دانیشاندا یورولماییرام، آنجاق ایکی ساعت باشقا دیلده درس کئچیرنده، عینی جمله سینی گتیریرم..انگیم قیفیللاییر…..
براهنی جنابلاری نین نئچه دیله احاطه سی، گنیش بیلییه مالیک اولماسی،دونیا مقیاسیندا باشقا خالقلارین ادبیاتلاریلا تانیش لیقلاری اونلارین دانیشیق طرزلرینه باشقا بیر تام گتیریب، داها مثلا، بر فرض مثال، ترکیب لرینی ایشلتمه دن آردیجیل اولاراق سربست دانیشیر.
دانیشیقلاری نین سونوندا آپاریجی سون سوزونوز، سون آرزونوز نه اولا بیلر دئدیکده، جاوابی یازییا آلمادان اوءنجه یولداشیم دان ائشیتدییم بیرتمثیلی گتیرییرم.بیر توکانچی نین بیر تای دویوسونو یولدان کئچن بیریسی گوتوروب قاچیریر، توکانچی شاگیردینه بویوروق وئریر: قاچ توت. بیر آزدان شاگیردین الی آیاغیندان اوزون گلیشینی گوردوکده. نه اولدو سویله ییر. توتا بیلمه دیم شاگیرد دئیر. توکانچی سئوال وئریر: بس نیه؟ آخی _آخی او اوءزونه قاچیردی، من ایسه سنه
دئیر. بوتمثیل نه یی یادیما سالیر. سهندین استاد شهریارا یازدیغی شعرسل مکتوبو. اوءزگه چیراغینا یاغ اولماق. بیزه وردیش اولماسین. ایندیسه براهنی جنابلاری نین سون آرزوسو :هامی میزا موفقیت آرزولاییرام، آنجاق تبریزده اوللام،بوتون مکتب لرده آنا دیلینده تحصیل باش توتا من ایسه بیرینجی کیلاس دا اوتوروب آنامین دانیشدیغی دیلی بویاشدا اوءیرنم دئدیلر. گوز یاشلاری آمانیمی کسیب ساعته باخدیقدا گوردوم گئتمک زامانی گلیب قاپیمی دویور، یول اوزونو آناما تبریزه فیکیرلشیردیم…
