بهگزارش پایگاه خبری یاز اکو شعر براهنی با عنوان “تبریز”؛
تورکجهیه چئویرن: احد فرهمندی
منیم خالقیم
اورکدن یاخاری یاپیب
کؤنوللو توفنگ گؤتوروب،
ایللرله اللرینده ساخلامیشلار
ایندی سوسوبلارسا دا
بیرشئی دئییلدیر
دئمک
آیاغا قالخاندا
یاز آغاجلاریدیرلار کیم
تومورجوقلایاجاقلار
چیچکلنهجکلر
تام صمیمیتله
اورک بویدا یئمیش وئرهجکلر
۲.
گوللنمیش چؤرک کیمیدیر تبریزین سحری.
گوناورتاسی
بؤیروندن ایستی قان سیزان
قوزو کابابی کیمیدیر.
آخشامی
یاندیران، بوزلو وودکا
اؤیله کی سن
باغیراراق ائوه قاییدیرسان.
گئجه یاریسی دا
قاز توکو یاستیغیندان یوموشاق بیر قادین
باش یاستیغا قویمادان اویورسان
آییلاندا
تبریز ایشیق مووسمیدیر.
۳.
باشین بوندان دا اوجا اولسون،
منیم شهریم
کیم شرقین ایلکین دئوریمیني
اوزون قوللارینین اوزرینده جانلاندیردین
هئی یوروش یؤنو
هئی منیم ایلکیم، سونوم
اؤزَییم
گونش
ایلکین سنین کؤکسوندن دوغار
من بیله قبريستانلاريني دا سئویرم
۴.
سنله یاشاماق
گونشله بیرگه یاشاماق دئیلدیر
اوندان دا یئیدیر.
سندن آیری یاشاماق
جهنمده یاشاماقدیر
اوندان دا چتین بیله
آی منیم جنّتیم
هانسی باشکندین باجیسیسان سن
دئ من اؤز شعریمی اونا سونماق ايستهييرم.
۵.
سسله منی
منی سسله
ارک
بیزیم قارشیمیزدا باشی اوجا دایانمیش
دونیانین ان قالین بیتیکیدیر.
تاریخ سنسن!
۶.
گؤزل
بسته بوی
گئييملري اپريميش
گنج بیر قادینا بنزهييرسن.
خالقین بو دئییمی نه قدر دوغرو
«خارابادا گیزلنمیش خزانه کیمیسن!»
۷.
یولداش
باشکند
منیم بیرجه شهریم
اورادا
اوزون، بوروق- بوروق، اسگی کوچهلره بویلانان
منیم بیر کیچیک اودام قالمیشدیر
من ایلک غزلیمی
او اودادا یازمیشدیم
او کیچیک اودانی منیم ایچین قورو، ساخلا
یوخسا
آل سینهنده منیم چین درین بیر قبیر قازدیر
باخ، شاعرین جنازهسی
سؤزجوکلرین چیينینده
سئچیلمیش شعرلری دیللرده دئییلرکن
گلير…
یولداش
باشکند
منیم بیرجه شهریم!
