• امروز : پنج شنبه - ۹ فروردین - ۱۴۰۳
  • برابر با : Thursday - 28 March - 2024
5

ایرانین ماشین فابریکالارینین مدیرلری خارجی ماشین لار سورورلر

  • کد خبر : 58085
  • 24 فروردین 1401 - 11:45
ایرانین ماشین فابریکالارینین مدیرلری خارجی ماشین لار سورورلر
یاز اکو- اؤلکه ده ماشین صنایعی همیشه جدی تنقیدلرله اوزله شیب. اونوچونجو دولت ده بو تنقیدلر چوخالیب. ۱۱ نجی مجلسین و ۱۳ نجو دؤلتین شعارلاریندان بیری ده ماشین صنایعنی بازارینی تشکیل ائتمک ایدی، اما ۱۱ نجی مجلسدن ایکی ایله یاخین و ۱۳ نجو دولت دن ایسه ۹ آی کئچیب نه اینکی وضعیتین یاخشی لاشماسیندان خبر یوخدور، آز بیر آراشدیرما گؤستریر کی بو ساحه هر زامان کیندن داها قاریشیق حالا گلدیینی گؤرمک اولار.

اعتماد خبر آژانسی نین معلوماتینا گؤره بو باره ده بهروز محبی ایران اسلام شوراسی مجلسینین نوماینده سی معلومات وئریب.

بهروز محبی مجلسین برنامه و بودجه کمیسیونون عضوو حساب ائدیر کی صمت وزیری مجلسه وئردیی وعدیی یئرینه یئتیرمییب. او دئیر کی صنایع، معدن و تجارت وزیری اعتماد سسینی قازانماق اوچون مجلسه گلنده نماینده لره ماشین صنایع سی و اونون بازارینین اداره اولونماسی ساحه سینده بعضی وعدلر وئریب دی؛ بیرینجی سی انحصاردان چیخماق، ایکینجیسی ماشین استحصالینی آرتیرماق و اوچونجوسو استحصالین خصوصی کیفیتینه دقت یئتیرمکدیر. ایندی اونون وزارتینین ۸ آی سونرا بونلارین هئچ بیرینین باش وئرمه دیینی گوروروک.

محبی بیلدیریب: صمت وزیری ماشین صنایعی و بازارینین حاضرکی وضعیتینه و یارانمیش عمومی ناراضلیغا گوره جواب وئرملی دیر. انقلاب رهبری ده چیخیشیندا خالقین ناراضی اولدوغونو و بو ناراضلیغین حاقلی اولدوغونو بیلدیردی. اونا گوره ده جناب فاطمی امین دن تعجیلی تدبیر گورمه سینی گوزلییریک.

سبزوار شهرینین نماینده سی داها سونرا بیلدیردی: اگر ایران دا ماشین استحصال ائدن مدیرلر، اوزلری و عائیله لری یئرلی ماشین لاردان استفاده ائتمه یه باشلییب مثلا پراید سورمه یه باشلاییب لارسا، ایندی پراید کیفیت باخیمیندان پرادویا چئویریلمیشدی. بو انسان لار اوز ماشین لرینین کیفیتینی یاخیندان حس ائتمه لیدیلر، اما خارجی ماشین لاری اوزلری سورورلر. من اوچ دفعه یولدا فنی ناسازلیق اوزوندن بلایا دوشدوم، جماعاتین مسئله لرین باشا دوشورم.

استحصال چیلاردا باشا دوشمه لیدیرلر کی محصولارینین کیفیت سیز اولماسی انسانلارا نه لر گتیریب.

سوندا او صمت وزیرین استیضاح اولدوغو باره ده دئیب کی: عمومیت له وزیر جنابلاری استیضاح اولا و یا اولمایا جواب وئرملی دیر. اگر استیضاح اولسا جناب فاطمی امینین مدافعه سی اونون وزیر اولاراق قالماسیندا چوخ تاثیرلی اولاجاق، بونونلا بئله اونون برنامه لرینی تقدیم ائتمک ده نماینده لرینین سس وئرمه سینده ثمره لی اولابیلر.

لینک کوتاه : https://yazeco.ir/?p=58085

برچسب ها

ثبت دیدگاه

مجموع دیدگاهها : 0در انتظار بررسی : 0انتشار یافته : ۰
قوانین ارسال دیدگاه
  • دیدگاه های ارسال شده توسط شما، پس از تایید توسط تیم مدیریت در وب منتشر خواهد شد.
  • پیام هایی که حاوی تهمت یا افترا باشد منتشر نخواهد شد.
  • پیام هایی که به غیر از زبان فارسی یا غیر مرتبط باشد منتشر نخواهد شد.

ابر برچسب
});