یاز اکو خبر آژانسی نین معلوماتینا گؤره بو باره ده صابر پرنیان شرقی آذربایجان استانین صنعت، معدن و تجارت تشکیلاتینین صدری اعلان ائدیب. بو بؤلمه ده تولیدین سون محصولو و بیلیک بازاسی مینرال ذخیره لرین یوکسک علاوه ده‌یری یاراتماق اوچون ۱۳جو دولتین و صمت وزارتخاناسینین اساس سیاست لرینه اویغون دور.
او چؤکونتو کلسیم کربناتین هیدراتلی اهنگ دن ۱۰ دفعه داها قیمتلی اولدوغونا دقت چکدی و امید ائله دی کی: بو محصولون تولیدی ایله یئرلی تولیدین طلباتینی اؤده مک و وارداتین قارشیسنی آلماقلا یاناشی، شهرستان دا ۶۰ نفره ایش تامین ائدیله جک.
پرنیان دئیب: بو پروژه دن استفاده ائتمک له کاغذ صنایعی ده داخل اولماقلا، داخلی احتیاج لارین یوزده اوتوزو دا اؤده نیله جک.
بو گؤروشده سید جلال عطائی آذربایجان مولیبدن مس صنایع و معدن شرکتینین باش مدیری بو شرکتین سون فعالیتی و اهر هیدراتلی اهنگ تولیدی سینین بیرینجی ایلینین اوغورلاری حاقیندا گزارش تقدیم ائتدی و دئدی: شمال غرب مس صنایع نین احتیاج دویدوغو هیدراتلی اهنگله اؤزونو تامین ائتمه سی بو کمپلکسین نائلیت لریندن بیریدیر و ۲ نجی فازینین کلسیناسیون بینؤوره سی نین تیکینتیسی ایله تولیدین گوجو یاخشیلاشاجاقدیر و نهایت PCC استحصالی ایله بو بیلیم اساسلی محصولون وارداتین قارشی سینی آلماق اوچون شرایط تامین ائدیله جکدیر.
