شرقی آذربایجاندا سونگوندن ۲۴ مین میلیارد تومنلیک خام میس اخراج اولونور
یاز اکو خبر آژانسی نین معلوماتینا گؤره بو بارده صابر پرنیان شرقی آذربایجان استانین صنعت، معدن و تجارت تشکیلاتی نین صدری ژورنالیست لر قارشیسیندا و خارجی نماینده هیئتینین سیلوان صنایع کارخاناسینا سفری چرچوسینده، وئریلن مجوزلرین یوزده دوخسانین استان صنایع ساحه لرینین توسعه سیله باغلی اولدوغونو بیلدیریب و علاوه ائدیب: اؤلکه یه سرمایه یاتیرما ماراغی باخیمیندان بیرینجی یئر شرقی آذربایجانا مخصوصدور.
او بیلدیریب کی: بیز یئرلی و خارجی سرمایه صاحاب لارینی قبول ائتمه یه حاضیریق. آذربایجان استانی همیشه قونشو دولتلرله مناسبت لرین قورولماسیندا و قارشیلیق لی فعالیتده ماراقلی اولوب و تجاری- اقتصادی امکداشلیقدا ماراقلیدیر.
او استاندا سرمایه یاتیرما آرتماسینا اشاره ائده رک دئدی: حاضردا تخمینن ۴۴ مین میلیارد تومنلیک سرمایه قویولور.
پرنیان شرقی آذربایجانین بعضی خصوصی پتانسیلینه اشاره ائدرک دئدی: اؤلکه صنایعی تبریزین ماشین قاییرما کارخاناسینا بورجلودور. پولاد ساحه سینده بو محصولون تولیدنده و صادراتیندا ایلک استاندیر.
شرقی آذربایجان استانین صمت تشکیلاتینین مدیری کئچن ایل استاندان ۲۴ مین میلیارد تومان خام میسین چیخاریلماسینا اشاره ائدرک دئدی: استان فایدالی قازینتی ذخایرینه گؤره اؤلکه ده بیرینجی یئرده دیر و بو ذخایردن تام استفاده ائتمک اوچون بیز میس سلسله سی تامام لاماغا، کاتد مس تولید ائتمه یه و استانی اؤلکه نین اقتصادی مرکزینه چئویرمیه چالیشیریق.
پرنیان مس کنسانتره سینین تولیدین آرتیرلماسینی، مس اریتمه قورغوسونون ایشه سالینماسینی و آشاغی آخین شهرجینین یارادیلماسینی استانداکی مدیرلرین مقصدلری آدلاندیریب و بو مقصدلره جدی شکیلده عمل اولونماسینی ورغولاییب.
او استانین صنایع شهرلرینه ده اشاره ائدرک دئدی: تبریزده ایلم خارجی سرمایه یاتیرما شهرجییی یارادیلیب و پولاد، غذا، الکتریک و الکترونیک صنایع شهرجییده فعالیت گؤستریر. همچنین بعضی بولمه لرین یئرلشدیی ۱۰ مین هکتار اراضی سی اولان یاخین شرقین ان بویوک صنایع شهرجیی تیکیلیر.
