عیسی نظرینین دونیاسینین بهانهسیایله
گنجلیگیمین ایلک ایللری *نوید آذربایجان*ین ان پارلاق دؤرانیایله مصادف اولموشدو. اونا گؤرهده اونون باشچیلاری اولان مهران تبریزی و رحمتلی عیسی نظری مدنیتیمیزین قهرمانلاریایدیلار و همین سببدن ۱۳۸۰جی یلده ایلک تورکجه یازیمی *نوید آذربایجان* هفتهلیگینده چاپ ائتدیردیم.
به گزارش یازاکو، اوستاد نظری ۱۳۸۲جی ایلده تبریزده ایلک آنادیلی سمینارینین دانیشیانلاریندانیدی و او زمانلار بیر حقوق بیلن عالیم کیمی، آنا دیلیمیزده تحصیل حاقینی دقیق شکیلده آیدینلاتدیلار و ایلک دفعه اولاراق یاخیندان زیارت ائتدیم سون اولاراق ۱۴۰۳جو ایلنده ائلبیلیمیموسسهسینین بایرام گؤروشونه جمال آغا آیریملو ایله تشریف گتیریب، رحمتلی علی آغا خالط آبادی حاقدا دانیشمیشدیلار.
صریح قلم ایله ایللر بویو مختلف اجتماعی حقوقی موضوعلاردا نوید آذربایجاندا قلم چالان نظرینین سون یازیسی کئچن ایل اسفندین ۷سینده نوید آذربایجان کانالیندا یاییلمیشدیر، بلکه اینترنت قطع اولماسایدی بو یازیلارین آردین دا اوخویا بیلردیم آما تصادف اولسادا اونون یاشام بویونون اؤنملی فلسفهلریندن ایدی او بو یازیدا گاندینین بیر فیکرینه استناد ائدهرک بیلدیریر کی، ان تهلوکهلی انسانلار باشقالارینی دا اؤز دوشونجه و یا سیاسی یولونا چکمک ایستینلردیر. او، شخصی بیر تجربه ایله گؤستریر کی، بعضی انسانلار سواللار و یا رادیکال آدّیملارا تشویق یولو ایله اصلنده باشقالاری اوچون «تله» قورورلار و اونلاری آغیر نتیجهلره دوشورورلر. متنین نتیجهسی بودور کی، مدنی مبارزهده هر کس اؤز موقعسینی و قرارینی مستقل معیّن ائتمهلیدیر و باشقالارینا اؤز ایدهآللارینی زورلا قبول ائتدیرمک مبارزه اخلاقی باخیمدان خیانت حساب اولونور.آدی قالارقی یولو گئدرلی اولسون
