یاز اکو خبر آژانسی نین معلوماتینا گؤره بو باره ده محمد فرشکاران شرقی آذربایجان استانینین اداره ائتمه و پلان لاشدیرما تشکیلاتینین صدری اعلان ائدیب.
او شرقی آذربایجان استانیندا اورتا گلیرین اؤلکه نین یوزده آلتمیش سکیز تشکیل ائتدینی بیلدیررک علاوه ائتدی: استانین امک محصول دارلیغی امثالی ۱۳۹۹ نجی ایلده، کند تصرفاتی سکتوروندا اؤلکه اوزره اورتا گوستریجینین ۶۲٪، صنایع ۵۳٪، خدمتلر ۷۶٪ و جمعی ایلده امک محصولدارلیغی اؤلمه اورتالاماسینین ۶۳٪ اولدو.
شرقی آذربایجان اداره و پلان لاشدیرما تشکیلاتینن رهبری ۱۹۹۷ نجی ایلده اؤلکه و استانین محصولداریغینی موافق اولاراق یوزده ۱.۴۳ و ۰.۸۶ عینی ایلده استانین اؤلکه یه اولان محصولداریق نسبتینی ایسه یوزده ۵۸.۶۹ اولاراق آچیخلادی.
فرشکاران ادعا ائدیر: ۱۴۰۱ نجی ایلده استان اقتصادیاتیندا کند تصرفاتی سکتورونون علاوه دگری نین پایی ۷.۹۲٪ ، صنایع ۲۸.۴۴٪ ، معدن چیخاراما ۲.۵٪، سو و الکتریک و گاز ۳.۹۰٪، تیکینتی ۴.۶۴٪، نقلیات ۵.۷۸ ٪، ارتباطات ۱.۰۳ ٪ املاک و مستغلات ۱۳.۰۴٪ و دیگر خدمتلر ایسه ۲۹.۷۶٪ تشکیل ائدیب.
فرشکاران علاوه ائتدی: همچنین بو ایل اؤلکه دن استانین کند تصرفاتی سکتوروندا علاوه دئیرینین پایی ۳.۷٪ ، معدن چیخارما ۵.۹۵٪، صنایع ۷.۲۱٪، سو، الکتریک و گاز ۱.۴۱٪، بنا ۳.۵۳٪، نقلیات ۳.۰۲٪، ارتباطات ۱.۰۴٪، مستغلات ۳.۲۴٪ و دیگر خدمتلر ۳.۵۶٪ تشکیل ائدیب.
