یاز اکو خبر آژانسی نین معلوماتینا گؤره بو بارهده صابر پرنیان شرقی آذربایجان اوستانینین صنعت، معدن و تجارت تشکیلاتینین صدری اعلان ائدیب.
پرنیان ایشچی گروهون اجلاسیندا بیلدیرمیشدیر کی ایداره ائتمه و پلان لاشدیرما تشکیلاتینین اداره لرین فعالیتینی و خدمتلرینی قیمتلندیرمک اوزره فعالیتی چوخ خئیرلی دیر و نتیجه لر قیمتلندیرمه دؤرونون نوبتی ایلینده تشکیلات اوچون محک اولمالیدیر. بوجور قیمت لندیرمهلر ماراقلی طرفلره خدمت ساحه سینده تشکیلاتین گوجلو و ضعیف طرف لرینین اورتایا چیخماسینا سبب اولاجاق و ضعیف طرف لرین آرادان قالدیرماسی و گوجلو طرف لرین گوجلندیریلمه سی ایله مشتری ممنونیتین تامین ائدهجک.
او معدنچیلر، تاجیرلر و صنعتکارلاردا داخیل اولماقلا ماراقلی طرف لرین بؤیوکلویونه گؤره صمت تشکیلاتینین خدمت لرینین چئشیدینین چوخ یوکسک اولدوغونا دقت چکهرک دئدی: اون اوچونجو دولتده ایشلرده شفافلیق، یاناشماسی ایله خدمتین آسانلاشدیریلماسی ایله باغلی الکترونیک سیستم لر یارادیلمیشدیر.
پرنیان استان دا صنایع سرمایه قویولماسینین اؤزل سکتور طرفیندن بؤیوک پایا صاحب اولدوغونو خاطرلادیب: تشکیلاتین باشقا بیر گوجو آسانلاشدیرما قرارگاهی واسیطه سیله تولید مانع لرین آرادان قالدیریلماسی کیمی اختصاصلاشدیریلمیش ساحه لرده دوزگون پرفورمانسدیر. صنایع ساحه لرینه گؤروشه گئتمک و مسئلهلری معین ائتمک و اونلارین حلی اوچون تدبیرلر گؤرمک، جاری ایلده مگا صنایع و معدن لایحه لرینی معین لشدیرمک، هر طرفلی تجارت سیستمینده شفافلیق و زنجیرواری مالیهلشدیرمه و خام مال تدارک زنجیری مختلف صنایع ساحهلریدیر.
او علاوه ائتدی: تشکیلاتین ایللیک فعالیتینین قیمت لندیریلمهسینده دوزگون امتیاز توپلاماقدان آسیلی اولمایاراق، مشتریلرین و ماراقلی طرفلرین ممنونلوغونو قازانماق واجیب دیر و بونا نائل اولماق اوچون سعی لریمیزی اسیرگه مهیهجییک.
چوخ گوزل دیر کی بو اولکده مشترک دیل و ایداری دیلین یانیندا اوز آنا دیلیمیزده ده خبر یازیل سن بو ایش ایکی میللتین یانعی تورک و فارس مسلمان میللت برین آراسیندا حورمتی و محببتی چوخالدار یاشاسین ایران خالقی