به گزارش یازاکو، تهران‌دا کچیریلن اقتصادی کمیسیونونون اجلاسین‌دا، ایران و آذربایجانین رسمی‌شخص‌لری، اقتصادی و تجارت علاقه‌لرینین گئنیشلندیریلمسینین اَهمییتی‌نی وُرغولاییب‌لار.
گؤروشده شمال-جنوب بین‌المللی نقل و انتقال دهلیزینده همکارلیق، زیرساخت پروژه‌لرینین سرَعت لندیریلمسی، گمرک و لجستیک مسئله‌لرینین حلّی، ائله‌جه‌ده گؤزشْتلی تجارت راضیلاشم‌لارینین دوام ائتیریلمسی مذاکیره موضوعلارینی تشکیل ائدیب.
خانم فَرزانه صادق بیلدیریب کی جناب مسعود پزشکیا‌نین آذربایجان سفریندن سونرا، ایکی اؤلکه آراسیندا اقتصادی علاقه‌لر داها دا دَئرینلَشیب.
او علاوه ائدیب کی کَلَاله-آغبند کوْرپوسو قاباقدا گلن نوروز بایرامی‌نا قدر استیفاده‌یه وئریله‌جک، کَلَاله-جلفا یولونون گئنیشلندیریلمسی ایسَه داوام ائدیر.
ایرانین یول و شهرسالما وزیری اونُو دا وُرغولاییب کی موجود راضیلاشم‌لار نتیجه‌سینده تجارت ایلیک هجمینین ۶۵۰ میلیون دؤللار‌دان ۱ میلیارد دؤللارا چاتدیرایلماسی ممکن‌دیر.
شاهین مصطفایف ایسَه بانک سکتورونداکی محدودیت‌لرین آردان قالدیریلدیغینی، باکی-تهران و باکی-تَبریز اوچوش لارین آرتیریلماسی پلانینی قئید ائده‌ره‌ک، نفت-گاز، نفت-کیمیا و تجارت ساحه‌لرین‌دکی همکارلیقین بؤیوک پتانسیله مالیک اولدوغونو بیلدیریب.
او ائله‌جه‌ده بیلدیریب کی ۲۰۲۵جی ایلین ایلک یاریسین‌دا ایکی اؤلکه آراسیندا تجارت حجمی ۳۰۰ میلیون دؤللار تشکیل ائدیب و بو گؤسترِجی‌نین آرتیریلماسی اوچون اَل‌وِئرِیشلی ایمکانلار موجوددور.
ایران و آذربایجان آراسیندا اقتصادی همکارلیق مسائله لری مذاکره اولونوب
یاز اکو-تهران‌دا سفر‌ده اولان شاهین موصطفایف آذربایجان جمهوریتینین باش‌ووزیرینین معاوینی، ایرانین یول و شهرسالما وزیری فَرزانه صادق له گؤروش کئچیریب.
لینک کوتاه : https://yazeco.ir/?p=187060
- نویسنده : مهدی عباسی
- ارسال توسط : خانم پریسا رضاپور
- بدون دیدگاه