• امروز : یکشنبه - ۲ اردیبهشت - ۱۴۰۳
  • برابر با : Sunday - 21 April - 2024
1

دکتر میر قاسم بنی هاشمی‌نین تبریز خالقینا سون موراجعتی

  • کد خبر : 135575
  • 09 اسفند 1402 - 17:47
دکتر میر قاسم بنی هاشمی‌نین تبریز خالقینا سون موراجعتی
یازاکو - آذربایجان یوردو خصوصن قوجامان تبریز، هر زامان آییق بیر میللّتی اولوب و تاریخ بویو بؤیوک حرکتلر یارادیبلار.

رحمان و رحیم آللاهین آدی ایله

تبریزین قهرمان خلقی

آذربایجان یوردو خصوصن قوجامان تبریز، هر زامان آییق بیر میللّتی اولوب و تاریخ بویو بؤیوک حرکتلر یارادیبلار.

من میرقاسم بنی‌هاشمی آذربایجانین کیچیک بیر ائولادی اولاراق، وطنه اولان عشقیم اوچون مجلس شورای اسلامی انتخاباتیندا کاندیدا اولماغی اؤزومه وظیفه بیلدیم.

آذربایجان سئوگیسی ایله ایل‌لر بویو چالیشیب، آذربایجانین توسعه مسئله‌سینی تحقیق ائدیپ و بو توپراغین دالی قالماسینین ندنلرینی، هابئله حل یوللارینی تحقیق ائتمیشم.

دئمک اولار کی، آذربایجانین به ویژه تبریزین دالی قالماسی و توسعه‌ تاپماماسینین اصلی و موهوم دلایلی بونلاردیر:
۱. متمرکز بیر اداری ساختار و منطقه‌یه وئریلن محدود اختیارلار.
۲. دولتی و رانتی اقتصاد
۳. منطقه‌نین ده‌یَرلی پتانسیل و ژئوپلتیک فرصلتریندن غفلت
۴. مرکز طرفیندن آذربایجانا امنیتی باخیش
۵. دولتین زیر ساختلاردا آز سرمایه یاتیرماسی
۶ تحریملر و اولکه‌نین اقتصادی بحرانلاری
۷. استان و شهرستانلارین مدیریت سیستمی‌نین نئچه تیکه اولماسی
۸. اوستان ایچینده غیرِمتوازن و نابرابر توسعه
۹. مستقل حزبلرین اولماماغی – نخبه‌لر و مدیرلرین انتصابینداکی مانع‌لر.
۱۰. مدیرلرین مالی تخلف‌لری و فسادلاری.

بو عوامل و دلایل، آذربایجانا نئچه اساسی مسئله یارادیبلار؛ اؤرنک اوچون:
۲. اورمو گولونون قوروماسی و اونون آغیر زیست محیطی تبعاتی
۳. سونگون معدنی‌نین آذربایجانا اولان منفعت‌لرین آزلیغی
۴) مالی فسادلارین چوخالماسی
۵) عمرانی پروژه‌لرین ملّی بودجه‌دن آز سهم آپاردیغی
۶) آزاد تجاری منطقه‌لرین محدودلاشدیریلماسی

بونا اینانمالی‌ییق کی، آذربایجانین بو کؤهنه یارالاری همّت‌له و بیرلیک‌له حل اولونمالی‌دیر. تبریز و آذربایجان آباد اولماسا ایران دا آبادلاشماز.

من آذربایجانین دردلرینی قانیملا و جانیملا حیس ائدیب بو چتین یولا آیاق قویموشام. بو یولو مقصده چاتدیرماق اوچون سیز شریف تبریز – آذرشهر – اوسکو ملّتینه اوز توتاراق بو چتین یولدا سیزدن کؤمک ایسته‌ییرم.

سن چاغیرسان گلرم من…

آذربایجان اوغلو: میر قاسم بنی‌هاشمی. کد ۲۷۴

لینک کوتاه : https://yazeco.ir/?p=135575

برچسب ها

ثبت دیدگاه

مجموع دیدگاهها : 0در انتظار بررسی : 0انتشار یافته : ۰
قوانین ارسال دیدگاه
  • دیدگاه های ارسال شده توسط شما، پس از تایید توسط تیم مدیریت در وب منتشر خواهد شد.
  • پیام هایی که حاوی تهمت یا افترا باشد منتشر نخواهد شد.
  • پیام هایی که به غیر از زبان فارسی یا غیر مرتبط باشد منتشر نخواهد شد.

ابر برچسب
});